江若琳韓國習舞博升呢

江若琳（Elanne）於年頭舉行處女演唱會，當時她為以最佳狀態示人，不斷跑步練氣及排舞，幸而其個唱獲一致好評，跳舞歌曲《Show You》更唱到街知巷聞。為求盡善盡美，Elanne日前的起心肝，向公司請假自我增值，獨自飛到韓國學跳舞，誓言要升呢做跳舞天后。

四月拍古裝劇

Elanne表示一直很欣賞韓國的跳舞組合，故選擇在當地學舞，她說：「原本想去一個月，不過四月中要開古裝劇，最終都係得六日假。」Elanne又透露排舞師非常嚴格：「每日跳四、五個鐘，跳之前仲要拉筋做一字馬，好彩細個有做柔軟體操，不過老師唔只教跳舞，仲教我行路姿勢。」

除了學舞，Elanne亦順道到處觀光。

Elanne遇上泰國歌迷，眾人興奮合照。

坐纜車上雪山

此外，Elanne亦到當地名勝觀光，一個人坐纜車上雪山及玩機動遊戲，她說：「都係第一次一個人去旅行，拎住本旅遊書周圍去都幾開心。」Elanne更透露中途遇上泰國歌迷：「有歌迷要求同我合照，當時真係好興奮，冇諗過會有人認得，仲要係泰國歌迷，原來佢哋睇過我做嘅電影。」

文：音樂組