HotCha喇叭狂轟險失聰
女子組合HotCha與新人朱紫嬈昨日以「無障礙大使」身份出席《手語共融互關懷2010》，HotCha說：「細個時好鍾意睇有手語嘅新聞，張智霖做初哥哥嗰套電視劇都好深刻。」曾當女童軍的Winkie表示有接觸過聽礙兒童，更即場示範簡單手語，而Crystal與Regen均有家人為聽礙人士，Regen說：「都係用讀唇同寫去溝通，覺得手語簡單啲，因為說話會有語氣，有時會有誤會，同埋佢哋嘅世界都好樂觀。」
另外，她們表示會好好保護聽覺：「試過有次喺喇叭下面睇演唱會，睇完之後好似唔係好聽到嘢，真係好驚，仲有個排舞師因為成日聽音樂好大聲，依家成日嗌佢都聽唔到！」