JC全裸操fit拍寫真
「警鐘胸」女模Jessica C.因與男友Sergio夜蒲時公然嗌大交，雖然小倆口平日甚為恩愛，據悉兩人就像一般情侶亦時有小風波，不過每次都床頭打交床尾和，依然愛得癡纏，絲毫無損二人感情。
憑性感形象殺出一條血路的Jessica，今年亦會加入模界寫真戰團，與去年寫真銷量No.1的Angelababy和No.2的周秀娜正面交鋒。Jessica為求一鳴驚人，考慮全裸出擊：「寫真入面嘅形象係cute & sexy，裸露唔緊要，但絕對唔係cheap嗰種，同埋唔會露三點，全裸都可以考慮，會視乎本書嘅方向係咪要咁，半裸一定冇問題，總之拍攝出嚟嘅效果要高檔有品味，最緊要靚。」
Jessica還說會出動私伙衫及有贊助，此外還會有大量內衣及噴血水着，Jessica說：「到時我會加插一啲手寫語句，分享我嘅內心世界，依家開始密密操fit自己，務求到時以最佳狀態迎接我嘅處女作。」