于文鳳單拖食飯冇「星」蹤

感情方面，星爺同佢個「得力女友」于文鳳拍咗拖都有十年，雖然佢哋好少一齊出席活動，但間中都畀人影到前後腳食飯，愛得低調。呢晚十點幾，八太喺佢哋曾經一齊撐枱腳嘅灣仔皇朝會，見到啱啱食飽飯嘅于文鳳，一個人企咗喺代客泊車個櫃位前兩頭望。等咗一陣，八太都唔見星爺嘅蹤影，冇耐就見泊車員揸佢架日本車埋嚟，于文鳳好快手咁攞咗張「紅衫魚」畀對方，然後自己揸車走人。