曾國祥消除口氣激咀詩雅
詩雅於畢國智執導電影《囡囡》中，與曾國祥有一場接吻戲，兩人首日合作便要咀嘴，幸好兩人之前曾合作，故沒有出現尷尬場面。曾國祥表示：「我喺戲入面只係客串一日戲，同詩雅做情侶。（拍咀戲有冇尷尬？）冇，因為之前拍《前度》嘅時候，導演麥曦茵想我哋熟啲，所以有排戲，經過嗰次排戲之後，我同詩雅都熟咗好多，拍呢場咀戲都冇尷尬。」
曾國祥坦言拍攝前沒有特別準備，只食香口膠來保持口氣清新。他說：「因為唔算乜嘢激情戲，所以都冇咩特別準備，同詩雅合作咗兩次，覺得佢好有潛質同好鍾意演戲。」
最近曾國祥執導由林嘉欣及陳奕迅主演的電影《戀人絮語》，現階段正為《戀》片做後期之餘，亦有撰寫劇本。問到若開戲會否考慮找詩雅任女主角？曾國祥表示：「劇本啱嘅話一定會搵！」