鄧麗欣小方結婚fans舉腳贊成

鄧麗欣（Stephy）昨日舉行簽唱會，吸引二百多名歌迷撐場。有歌迷向Stephy送上親自設計的廚師帽，表示特別畫上「小方格」，寓意偶像緋聞男友方力申，並送上情侶套餐食譜，令Stephy尷尬傻笑。
Stephy的廚師造型非常可愛。
Stephy的廚師造型非常可愛。

對於歌迷對兩人的情侶關係相當受落，Stephy說：「佢哋成日拎呢樣嘢嚟講笑，又喺留言區搞投票，問想唔想我哋兩個結婚、生仔咁，大家都好贊成。（會唔會成全班歌迷？）事業為重嘛！不過我就放心同佢繼續合作落去。」有指其公司高層黃柏高（Paco）失勢後，Paco黨逐一被炒，Stephy表示：「公司係有人事調動，不過完全唔關Paco事。」

歌迷（左二）送上「小方」廚師帽，Stephy只好尷尬傻笑。
  • 歌迷（左二）送上「小方」廚師帽，Stephy只好尷尬傻笑。