Bobby挽鞋林峯服侍 楊怡自比灰姑娘

林峯、歐陽震華（Bobby）、楊怡前晚為無綫新劇《不速之約》拍攝外景，劇情講述飾演夫妻的Bobby、楊怡在天橋箍煲不遂，楊怡更奔向「第三者」林峯身旁，期間跑到連高踭鞋都甩埋，要由Bobby執起，繼而由林峯替她穿回，事後楊怡笑言十分榮幸：「感覺直情似灰姑娘！林峯係萬千少女偶像，幫我着鞋梗係榮幸啦！不過最榮幸係前輩Bobby幫我挽鞋。」
（左起）林峯、楊怡和歐陽震華鏡頭後老友鬼鬼。
（左起）林峯、楊怡和歐陽震華鏡頭後老友鬼鬼。

林峯則笑指幫楊怡着鞋時嗅不到異味，問到他會否擔心fans呷醋？他謂：「我喺TVB合作最多係佢，識得最耐都係佢，所以唔會擔心。」此外，Bobby被問到與楊怡會否在劇中咀嘴？他說：「最好唔好有咀戲，我扁口扁面拍咀戲唔好睇，好怕拍呢啲戲、好尷尬，我一拍呢啲就硬晒軚，拍得太假又畀人話假，太激又驚畀人話鹹豬嘴。」

林峯為楊怡穿回高踭鞋，溫柔細心。
  • 林峯為楊怡穿回高踭鞋，溫柔細心。
歐陽震華俯首拾起楊怡留下的高踭鞋。
  • 歐陽震華俯首拾起楊怡留下的高踭鞋。