欣宜勸天如咪揸兩個轆
鄭欣宜昨日為劇集《隔離七日情》開工，對於狄娜透露曾執筆寫信勸她不要加入娛樂圈，欣宜想了片刻謂：「因為寫中文所以唔係好記得，應該係媽咪未過身時寫嘅，當時我啱啱喺加拿大返，佢都係出於關心，我唔會有hard feeling。」
問到好友馬天如心情是否好轉？欣宜並不認同，不諱言至今自己尚未平復喪母之痛，欣宜透露有和天如通電話：「佢唔係娛樂圈人，唔慣面對咁多人，我都叫佢唔好揸電單車，追訪係避免唔到。」
而昨日繼續有傳媒聚集天如位於元朗寓所，約早上11時許，屋苑保安報警，未幾警察到場了解，並把傳媒驅散於屋苑範圍外。此外，有報道指馬天如女友以「新抱仔」身份主持狄娜追思會，求證於狄娜助理伍小姐，她說：「冇可能，要主持都係佢個仔天如負責，女朋友最多都係幫手做架。（追思會係咪北京、歐洲舉行？）冇聽過。」