周秀娜重演狄娜舞台擒狼

據知製作人楊紹鴻繼《審死官》後，於三個月前已開始籌備《七擒七縱七色狼》舞台劇，並計劃於九月在北角新光戲院演出四場，更瞄準Chrissie演繹狄娜戲中角色，而Chrissie對首次擔正舞台劇女主角亦好有興趣，但因九月檔期太密，楊紹鴻為遷就她的檔期，不惜將上演期延至十二月。

否認乘機抽水

楊紹鴻強調並非為「抽水」才籌備《七》劇，早在狄娜病逝前已兩度跟周秀娜經理人傾談，劇本跟部分演員亦已定案，只欠女主角Chrissie定下綵排及演出檔期，楊紹鴻說：「搵Chrissie係因為佢係新一代性感idol，好適合做狄娜嘅角色，雖然Chrissie演戲經驗唔係好豐富，但我間香港演藝專才訓練中心會教佢做戲，佢仲會唱埋歌，我會搵一個偶像歌手做其中一隻色狼，加埋喬寶寶、曾偉明、李龍基同樓南光等幾隻色狼，絕對爆笑。」

提到Chrissie在舞台劇中之性感演出，楊紹鴻透露演繹這個角色，所有戲服都必定性感，而極限將會是穿着胸圍內褲，並加上薄紗，營造若隱若現的感覺，更會在台上換衫及有床上戲來吸引七隻色狼。

舞台版故事除了以狄娜所演之《七擒七縱七色狼》做藍本外，亦會融合當年原班人馬演出之《橫衝直撞七色狼》中的精彩內容，如該戲當年加入了沈殿霞，舞台劇版亦會以盧海鵬反串演肥姐一角，而曾扮演Chrissie之盧海鵬得悉對方重演狄娜，亦大表贊成，還力讚Chrissie係叻女一名。

樓南光和李龍基將在舞台劇中扮色狼。

李龍基

自爆陰位紋身

對於被睇好成為狄娜接班人，Chrissie接受電話訪問時開心的說：「好多謝楊紹鴻同盧海鵬咁睇得起我，我真係好想試吓做舞台劇，而且能夠同咁多好戲之人合作，相信一定學到好多嘢，但九月啲期好密，我希望有足夠時間排練先做，亦會睇吓狄娜姐姐做嗰套戲吸收一下，想盡量做好啲。」

至於性感演出一事，Chrissie大方不設底線：「性感？我OK架，一啲都唔介意！」「性感女神」的封號果然當之無愧，豪氣拍得住狄娜。問到有否想過超越狄娜，Chrissie立即說：「我唔會咁諗，狄娜姐姐喺大家心目中已經有一定代表性，我希望以自己新演繹方式去做，畀人一個新鮮感。」

此外，Chrissie昨日封胸穿熱褲到電台宣傳新歌，透露稍後到歐洲拍攝寫真集，雖然Angelababy去年同樣到歐洲拍寫真，但她認為演繹方式不同。提到趙碩之拍性感寫真騷三角陰位紋身，Chrissie笑言自己亦有在耳背這陰位紋身，而且都有三點癦抗衡，問到會否受碩之三角紋身威脅，她說：「唔會，（咁會唔會邪住你？）唔識答添！」

文：影視組