gag神
今期請得黃伊汶（Emme）出題目，考考大家IQ有幾高，腦筋轉數有幾快，而是次三位接受挑戰的歌手，包括：譚詠麟、李克勤及關心妍（Jade），都畀Emme嘅難題考起，最終只有Jade在助手的提示下答中，大叫「老公，我得咗」的她，忍不住豎起手指公自己讚自己。
問題：口吃的人做甚麼事最吃虧？
Jade：我估係唱歌囉，因為唱歌要一氣呵成，口吃嘅人成日講嘢窒住，佢應該係唱唔到歌囉。（唔啱喎。）唔係？我再估……（身邊嘅助手不停用口形提水。）我估係講長途電話，因為講一句都花好多時間，要畀好多錢，咁咪唔抵囉。
譚詠麟：口吃的人做乜最吃虧呀？等我諗諗先……我估係飲奶，因為口吃嘅人會漏口，飲奶時咪會漏晒啲奶出嚟，咁咪最吃虧囉，搞到一身都係。（唔係呀！）吓，唔係呀，我再估……一定係食嘢嘅人，因為會漏晒啲嘢食出嚟，（都係錯喎。）咁我諗唔到啦。
李克勤：考我IQ題？我冇乜IQ架喎，不過都估吓啦，我估係……吹嘢嘅人，（吓？吹乜嘢呀？）梗係吹樂器啦，好似吹喇叭、吹笛呀，吹口哨都係，因為佢口吃，講嘢窒窒吓，所以條氣都會窒窒吓，（全錯！）吓……，食嘢囉，（都唔係。）吓，咁難，唔估喇。
答案：打長途電話。