陳法蓉笑蔡少芬生瘡

陳法蓉與應屆香港小姐劉倩婷、李姿敏及熊穎詩昨日出席「慧妍雅集」慈善活動，期間見法蓉對小朋友很有耐性，問她是否很喜歡小孩？她說：「我比較鍾意動物，上次同蔡少芬去四川做賑災活動，佢係咁追住啲小朋友攬，我就係咁追住啲狗攬，（蔡少芬係咪十月生BB？）生咗啦……生咗好大粒暗瘡喺面上吖嘛！其實生BB係開心事，如果真係有，佢哋會大方承認。」談到感情生活，法蓉坦言現時沒有拍拖，但非常享受單身的生活，她表示：「唔心急要拍拖，緣分嚟到就會拍啦。」
陳法蓉與小朋友們打成一片。
陳法蓉與小朋友們打成一片。

至於劉倩婷就揚言喜歡小孩子，將來最好生兩三個，她又自爆原本想做年輕媽咪，可惜為了家人放棄英國一段感情返港，還慨嘆好男人不易搵。

左起：李姿敏、劉倩婷及熊穎詩出席「慧妍雅集」活動。
  • 左起：李姿敏、劉倩婷及熊穎詩出席「慧妍雅集」活動。