甄子丹為仔女拒床戲
甄子丹接受有線專訪，談及早前接拍的內褲廣告成熱話，子丹直指自己「天生異稟」：「廣告商搵我，當然係因為我有本錢着得好睇，真係得天獨厚㗎！」廣告方面可以「踩界」，但子丹堅持不演出床戲：「唔想第日啲仔女長大，睇到爸爸曾經咁樣做。」
被稱「宇宙最強」的他，坦言接拍《葉問2》遇上史無前例的壓力：「因為前集好成功，亦係我事業轉捩點，所以續集開拍後我經常失眠，尤其係半夜會打畀導演葉偉信，大家討論吓點樣先可以演得更好。」他又澄清跟洪金寶冇不和：「冇可能，佢係我嘅前輩，我好佩服佢負重幾百磅動作都咁靈活，打觔斗完全冇難度，我諗全世界得佢一個咋！」