阿Sa呼冤：冇接觸過異性

昨日Twins於新都城中心為新碟《人人彈起》舉行簽名會吸引大批歌迷到場支持，沒精打采的阿Sa面對台下歌迷刻意擠出笑容，在演唱主題曲《人人彈起》又跳又唱則表現投入未受影響。

然而本月十六日便是Twins演唱會，問到排練進度？兩人表示現每日至少排舞七小時，現只排了三首歌，還有六首歌未排。問到可夠時間排練？阿Sa謂：「盡量啦！（啲舞好難？）節奏好快，連啲舞蹈員都話好快，但冇得改，因佢哋已經練好晒。」據知Twins今次演唱會中將有一段超過10分鐘的勁舞Medley環節，全場24人超勁舞蹈團傾巢而出，更由3名專業排舞師主理，其中阿Sa和阿嬌（鍾欣桐）各有一名排舞師貼身侍候，製作認真。

鄭中基、蔡卓妍

好姊妹阿嬌輕撫阿Sa面龐為她打氣。

阿嬌唱完即飛

講到有傳兩人演唱會後將各自發展？阿嬌說：「未安排咁遠嘅事，我只知演唱會後第二日我要飛去馬來西亞。」而阿Sa則強調：「不嬲拍戲都係分開，出碟我哋都會一齊出，個別都會出。」

雖然阿Sa表示現情緒已OK，但當提到有指她與內地富商馬化騰密會一事，阿Sa即木無表情說：「唔係事實嘅嘢我唔回應。」認識對方？阿Sa擰擰頭答：「唔回應唔係事實嘅事，公司已經出咗律師信。而馬……（記者提她是馬化騰）佢都出咗律師信。」避嫌下可會少些接觸異性？阿Sa很無奈說：「我都冇接觸過。」她重申不想再回應一些敵意報道，她只想做好演唱會。

現場有大批歌迷前來支持Twins，場面墟冚。

Twins勁歌熱舞，令歌迷如癡如醉。

拒講聯絡中基

至於與Ronald可有聯絡，阿Sa仍是一句「唔回應」，再說到有傳密友要脅自殺令阿Sa崩潰？阿Sa沒好氣說：「啲報道牽涉嘅所有人都唔係事實。」對有傳阿Sa合約2012年約滿，原本英皇想五年生約變死約，因鬧「瞞婚」而有變數？阿Sa都沒有回應。而有關過去四年報稅是用已婚還是未婚身份及可怕稅局追究？阿Sa則說：「總之所有要承擔嘅，我都會承擔。」

文：音樂組