伍小姐否認外地舉行追思會
狄娜（梁幗馨）病逝後，其身後事由她的「獨子」馬天如（Michael）及其大哥、兩位妹妹及弟弟全權負責。一直心繫中國的狄娜，選擇長眠於香港，據其私人助理伍小姐（Candice）透露，殮葬儀式及追思會均在香港進行。
連日來離港處理私務的Michael，已吩咐秘書安排母親後事，好讓他日內返港，便可於假期後的首個工作日（即後天）為母親領取死亡證，以便處理殮葬事宜。
無經典戲服供展覽
有報道指狄娜追思會將安排在北京及歐洲等地舉行，連其遺物亦考慮送到電影資料博物館展覽。追隨狄娜三十年的私人助理Candice昨日否認有這個安排：「冇咁嘅事，我冇聽過梁小姐（狄娜）嘅追思會安排喺北京、歐洲度搞，係都安排香港進行，佢家人都喺香港，好似梁小姐大哥、細佬、兩個妹都喺香港。梁小姐病時佢哋都有探佢，留喺佢身邊。至於有講將梁小姐遺物送去電影資料博物館，我喺梁小姐身邊三十年，都冇聽過佢有對邊件衫或邊件物品係好有紀念價值！況且梁小姐又唔係做大戲，亦冇咩戲服可以攞出嚟展覽，如果拍戲時候啲衫，佢好多都係自己買，經典戲服又冇。如果係一啲舊衫，又點拎出嚟展覽呢？以我覺得成數唔高。」