Yumi動漫女神單飛出擊

距離書展尚有三個月，一眾o靚模紛紛出招為寫真集備戰，去年與陳若嵐孖住出寫真的尹蓁晞（Yumi），今年「單飛」發展，並將塑造成「港版中川翔子」，在寫真集中大玩Cosplay造型！Yumi昨日接受電話訪問，表示正做運動keep fit，問她是否誓做動漫女神，她說：「都有信心，自己都覺得同漫畫啲女仔好似，（會去邊度影？）暫時唔講得住，但我知道啲衫好靚，（好性感？）都幾架，自己都唔介意，但因為啲衫好緊身，所以依家要減肥。」據知，Yumi公司為塑造她成為動漫女神，所有Cosplay衣服全是度身訂造，預計花費六位數字。