好姨靠子女調節情緒

薛家燕（好姨）應老友林建明安排，日前出席《心晴行動「沙田愛心巡禮」第三站》活動，同場更有麥永健醫生與社區人士分享處理壓力與維持快樂情緒的心得。都市人生活緊張，患上情緒病的人士不斷遞增，家燕姐自言對「情緒病」有深入了解，她說：「早年我婚姻失敗，都試過有情緒病，諗嘢鑽牛角尖，仲諗過尋死，最後係班仔女救番我，佢哋當年分別係三、五、七歲，佢哋見我唔開心，就馬上買佢哋認為最珍貴嘅嘢畀我食，嗰啲係漢堡包、薯條……班仔女又喺度自己食，食得好開心，見到佢哋咁乖，又點捨得掉低佢哋呢？所以我的起心肝去求救，講出自己問題後，真係有好多人嚟幫我走出困境。」