黎諾懿初登銀幕忌忘本
由電視圈跳到大銀幕的黎諾懿，在電影《惡胎》中飾演醫生，糾纏在兩大性感女神周秀娜與呂慧儀的感情之中，難怪黎諾懿自感艷福無邊，他說：「都ＯＫ艷福啦！不過周秀娜就第一次合作，以往都係睇報紙見到佢嘅嘢，不過合作過後，覺得佢係個好勤力好搏命嘅演員。（周秀娜獻出螢幕初吻？）哈哈，佢第一次拍電影同我有咀嘴鏡頭，我比宅男搶先一步。」
此外，首次拍攝鬼片的黎諾懿，表示在拍攝期間未有遇到靈異事件，大讚劇中角色夠寫實，故事帶出做人唔好忘本的道理，他表示：「今次我演醫生，呂慧儀係我老婆，佢因為要供我讀書，所以好早就放棄學業，到我做咗醫生後，覺得佢同我有距離，開始嫌棄佢，跟住識咗做護士嘅周秀娜，帶出成個故事，其實套戲好寫實，好多人都好易忘本，忘記當初邊個對自己好。」
場地：EL CID