4anda飛來石險釀車禍
男子組合4anda日前遇上交通意外，幸好有驚無險，話說當日四子工作完畢，一起乘保母車離去，當駛上高速公路不久，前面一輛運載沙石的泥頭車突然飛彈一舊大石，直飛他們的保母車，嚇得司機臨危不亂及時扭軚閃避，但大石依然擊中前面輪胎。
四子猶有餘悸說：「真係險象環生，嗰剎那真係好驚舊石飛埋嚟，司機大叫，幸好我哋扣晒安全帶，最好彩係公路上唔多車，唔係撞車就大鑊。」最後助手即報警求助。
擁有車牌的Jason及Hanson笑說：「如果得自己一個遇上爆胎都唔知點好，因為我哋都未換過胎，最多叫拖車公司幫手。」