倪晨曦唔靠緋聞剷合照

○五年多倫多華裔小姐冠軍，並勇奪○六年國際華裔小姐「完美體態」獎的22歲新人倪晨曦（Elva），最近簽約寰宇成為旗下藝人。早前，她因為facebook一張與黃宗澤嘟嘴合照而傳出緋聞，事後，兩人矢口否認，亦因該段緋聞令Elva近日成為網友熱捧對象，近百網友留言希望「起底」了解這位「黃宗澤緋聞女友」是誰，亦有不少網友大讚Elva靚女。

多謝網友支持

對於網友對自己如此感興趣，Elva大表意外，但她不希望靠緋聞上位，她說：「好多謝網友咁支持我，但我更希望佢哋係因為我嘅工作而認識我，我同黃宗澤嘅合照，係○八年我喺多倫多做司儀嘅時候影，當時我未入呢行，唔會太有意識去諗啲相會畀人用，其實，我同好多藝人朋友都有影一啲生活照，亦都放咗喺facebook，呢件事之後，我已經將facebook有關嘅藝人合照全部刪除，唔希望再騷擾到人，亦唔想靠緋聞上位。」　　　　

倪晨曦（左）與同門師姐江若琳、師兄徐正曦相處得十分愉快。

倪晨曦早前因一張合照，而跟黃宗澤傳緋聞。

讀戲劇助發展　

Elva從多倫多返港發展，以模特兒工作為主，亦很有興趣拍戲，現正於兩間學校讀戲劇，當中包括演藝學院，她說：「因為我好有興趣拍戲，依家要好好裝備自己，一步步嚟，有機會嘅話，就好好把握。」

倪晨曦成為網友熱捧對象，更被網友大起底。

放大圖片

Elva與江若琳及曾拍內地電視劇《男兒本色》的徐正曦同門，她大讚師姐江若琳與師兄徐正曦十分好人，對她這個新人相當照顧。

文：影視組