李樂詩sell囝囝賣奶粉
歌手李樂詩（Joyce）的囝囝Maxton已經五個月大，她以「巨B」形容囝囝，她笑說：「佢可以做奶粉代言人，因為佢真係食到肥肥白白，依家佢開始食粥仔同蔬菜。」最近Joyce帶囝囝飛去夏威夷探嫲嫲，一家三口會在當地逗留兩個星期，她笑說：「囝囝係第一次搭飛機，佢都好乖，平時好少喊，應該順順利利。」
Joyce本身是持加拿大護照，她表示囝囝既有加國戶籍，也有特區護照，她說：「反而我攞唔到特區護照，因為我喺加拿大出世，所以次次返大陸工作都要攞簽證。」Joyce坦言有計劃再生：「唔想同囝囝相差太遠，最好下胎生女，可以湊成一個好字就最理想，（明年再生？）唔知呀，希望啦！」
