黃伊汶營商有道衝出香港
黃伊汶（Emme）去年膽粗粗轉戰商界，獨家將意大利品牌GALTISCOPIO水晶腕錶引入香港，她大力推廣打出名堂，Emme成功的市場策劃得到讚揚，昨晚她跟名模陳嘉容等出席頒獎禮，並獲頒發手錶最佳品牌獎項，是她在商場發展的首個榮銜。
Emme表示：「得獎覺得特別開心，因證明外界都認同我嘅眼光同努力，不枉我付出過咁多心血。」她又表示會與家人慶祝，或到台灣旅行順道視察市場，下一個目標正是開拓台灣及大陸的鐘錶市場。
拒放棄歌唱事業
在商界發展理想的Emme揚言不會放棄演藝工作，更透露正灌錄國語唱片：「我覺得今次賣錶咁成功，多多少少係同我做藝人，人際網絡較廣有關，所以我會keep住自己嘅知名度。」Emme又多謝身邊好友如容祖兒、楊愛瑾、周柏豪及譚詠麟鼎力支持，她謂：「多得啲朋友成日戴住我隻錶，幫我做人肉廣告板。」
對於近期廣受關注的阿Sa基離婚事件，Emme就覺得：「呢件完全係佢哋兩個人嘅事，佢哋有權做自己鍾意嘅嘢，唔好評論咁多。」
採訪：音樂組