夏韶聲昨日到電台宣傳五月舉行的紅館個唱，他透露將邀多隊樂隊擔任表演嘉賓，包括LMF及玉石樂隊等，夏韶聲更踢爆有唱片公司獅子開大口：「我搵過時下流行嘅樂隊做嘉賓，但佢哋公司竟然開出可以做演唱會嘅價，雖然好想同嗰隊樂隊合作，但都畀我delete咗！」夏韶聲又大讚RubberBand彈結他不錯，但大踩Mr.唱《如果我是陳奕迅》，他說：「唔係我哋啲嘢！」
