祖兒狂收鬱金香開臨時花店

日前祖兒到澳洲的墨爾本、悉尼開騷，今次祖兒帶埋媽咪同行，趁機享受家庭樂，兩母女和工作人員專程去了魚市場品嘗生猛海鮮，勁擦三文魚、龍蝦、蠔、海膽等貴價美食，飽嘗口福之欲。

祖兒先到墨爾本開騷，剛巧Lady GaGa亦在當地舉行演唱會，祖兒即撲飛捧場，乘機向國際天后取經，結果祖兒開騷當晚，雖然抱恙在身，但演出淋漓盡致，令觀眾拍爛手掌，令祖兒十分開心。

祖兒悉尼舉行簽名會，大批歌迷專程見偶像。	祖兒此行大豐收，難怪開心到跳起。	祖兒獲歌迷送贈至愛的鬱金香及miffy公仔。

穿花花衣服提神

完成墨爾本一站後，祖兒即繼續行程轉去悉尼，並在當地舉行簽名會，她特別揀了一件花花衣服登場，為自己提神，笑說：「生病令一個人做乜都唔起勁，但呢件衫就為我帶嚟生氣。」而簽名會吸引很多fans撐場，她說：「fans知道我鍾意鬱金香，送咗好多唔同顏色嘅花畀我，仲有我至愛嘅miffy公仔，真係好開心。」

一室花香發奇想

當晚祖兒返到酒店，嗅着一室花香，就忽發奇想將酒店房變成花店，與工作人員合作插花，祖兒笑說：「望着歌迷送畀我嘅一大堆鬱金香，沒有可能帶返香港，但又唔捨得就此告別，就將房間變成Armani花店，係咪好靚呢！」文：音樂組