吳卓羲袋符武鬥郭晉安

Ron與郭晉安在墳場先口角再動武，Ron說：「我去墳場拍過幾次外景，我哋日頭來又守規矩，冇踩上啲墓地上面，劇組有派利是，我又有袋平安符，都唔驚嘅！」

大讚欣宜

Ron有看過鄭欣宜扮徐子珊的宣傳片，他說：「我仲以為係子珊上《荃加福祿壽》添，欣宜扮得好似、好努力，進步好多，係專業娛樂工作者，好有潛質，又拍劇又做綜藝節目，好似肥姐咁，睇到佢有畀心機。（你幾時扮埋一份？）唔啦，我唔叻扮嘢。」

吳卓羲與郭晉安在墳場毆鬥，做得似層層。	放大圖片	徐子珊也很想有機會扮嘢。

子珊亦有睇欣宜扮她：「好欣賞佢，做好多資料搜集，有人扮自己係光榮，我都想扮人，但未諗到扮咩，有機會想同欣宜、王祖藍組扮嘢組合。」梁靖琪早前捲入車禍，她說正等警方找她再落口供，她有致電慰問傷者，對方並無大礙。

再遇Ella

此外，Ron昨午與曾傳緋聞的官恩娜（Ella）及江若琳同場出席活動，Ron應要求大方與性感低胸的Ella合照，江若琳反而被嚇呆，Ron說：「唔尷尬。（好艷福？）公司咁多靚女都有到場梗好艷福，同Ella成年冇見，頭先say hi。（你好大方。）做男仔要有風度。」江若琳附和說：「阿Ron拍劇好照顧我，好有風度。（你唔夠性感？）性感不嬲唔係我負責。」

文：影視組