關楚耀暑假出碟博翻身
關楚耀（Kelvin）因毒禍閉關超過1年，終於落實於暑假復出，Kelvin趕潮流開微博和圈中人吹水兼吸納粉絲，據知Kelvin獲電台、電視力邀上節目，亦有飲品廣告邀他拍廣告，看來翻身有望。
Kelvin和衞詩（Jill）去年3月在日本涉藏毒被補，Kelvin無罪獲釋返港後，一直閉關自守行為，雖然沒有重蹈毒禍覆轍，可惜尚未定性的Kelvin卻被踢爆搭上台灣辣妹Mika，親熱照更遭公開，好在Kelvin火速與辣妹分手，終於修心養性埋首籌組新碟。
據知Kelvin將於暑假出碟，故每日在錄音室工作超過10小時，已經錄好三首歌。而Kelvin對自己的表現相當緊張，苦練結他、彈琴積極裝備自己，又跑步、游水練氣。而Kelvin為鋪路復出，於大前日加入潮流趕開微博，與藝人好友在網上吹水，還上載了一張自己在錄音室的相片，預告復出。
接飲品廣告
消息透露，今次Kelvin復出吸引電台、電視爭飲頭啖湯，其中新城將於5月為願望成真基金搞新節目《無語倫比》，主持人力邀Kelvin做嘉賓，以自身經歷鼓勵患病小朋友振作，問新城知訊台台長朱明銳是否爭頭啖湯？他說：「唔好咁講，唔會爭。」而港台車淑梅亦表示想搵Kelvin接受訪問，講述四川探訪的經歷。
而屬環球歌手的Kelvin雖不能亮相無綫，仍獲亞視和有線爭邀他做節目，有飲品廣告商亦力邀他拍廣告，目前正在洽談中。記者向唱片公司查詢Kelvin是否幫新城做嘉賓主持，發言人卻表示：「冇呢件事。（Kelvin幾時開工？）未定。」
文：音樂組