蔡卓妍（阿Sa）與鄭中基離婚已成定局，然而傳聞日日新鮮，傳Sa媽介紹300億身家的內地富商、騰訊控股主席馬化騰給女兒認識，昨日阿Sa經理人霍汶希否認說：「阿Sa唔識馬化騰，請你去問對方識唔識阿Sa，傳聞愈嚟愈誇張。阿Sa情緒低落綵排唔到要休息，明（今）日復工。」據知阿Sa的新歌《知己》與騰訊ＱＱ網合作，英皇娛樂亞太發展部總經理連暉稱：「只係歌曲宣傳，透過網站召集歌迷上載相片，為期一個月，揀出嘅照片會放喺阿Sa新碟內頁。」而馬化騰亦透過騰訊發言人表示：「報道與事實不符。」
至於一直在內地工作的Sa爸，昨日返港，對於阿Sa出嫁無收禮金、瞞稅和Sa媽促女婿鄭中基買樓等傳聞，他無奈嘆謂：「我乜都唔知，做父母唔一定乜都知，佢咁大個女自己會搞掂，近年冇一齊住，好多嘢都唔知道。」而鄭中基前晚從內地返港後，足不出戶閉關家裏，只派司機出入買飲品。