王宝宝抽Sa基水博見報

近日Sa基離婚一事成全城熱話，宣傳公司有見及此，昨日即邀請被指是導致二人離婚的美味天使春卷王宝宝到商場大玩塔羅風水問姻緣，為收宣傳之效，更於傳媒邀請函上，大字標題「捲入Sa基分手的春卷宝宝將現身西九龍中心」，擺明藉此吸引傳媒到場採訪，甚有抽水之嫌！

堅稱冇對方電話

雖然被宣傳公司「擺上枱」，但王宝宝竟然大方笑謂：「人哋寫嘅嘢與我無關，如果佢哋覺得咁係宣傳，我唔會當係啲咩事。（話你係第三者都OK？）咁我唔係嘛，at the end大家會知，我唔會理人哋，我始終冇做過。」

王宝宝雖然正跟李思捷蜜運中，但玩塔羅牌時仍不停問感情問題。

放大圖片

有指鄭中基家中收藏了王宝宝的泳衣及照片一事，她即尷尬笑謂：「泳衣相應該係之前去泰國工作時影嘅，但係我同佢冇單獨影過，至於寫真就係美味天使出書嗰陣送畀主持嘅。（話你套泳衣喺對方房？）冇啲咁嘅事，我冇見過套泳衣，亦冇睇過啲報道，都係朋友話我知。」王宝宝指跟鄭中基只是在工作時才會碰面，平日絕不會相約外出，亦堅稱沒有對方電話號碼。

Sa基離婚近日成全城熱話，不少人都乘機抽水博見報。（資料圖片）

有傳鄭中基家中收藏了王宝宝的泳衣。（資料圖片）

明剃李思捷眼眉

雖然正跟李思捷蜜運中，不過王宝宝昨日玩塔羅牌時，均是詢問感情問題，問到她跟思捷的感情是否出現問題？王宝宝明剃對方眼眉，除直言想搵個更好的男友外，更稱冇必要為傳聞而替對方派定心丸：「我唔會同佢提呢件事（指跟鄭中基傳緋聞）。（佢信唔信你？）冇話信唔信，新聞嘅嘢冇人估到，聽日又可能傳其他，冇人會當係真。（你同思捷仲係情侶？）呢個唔講喇。」

採訪：影視組