家強非洲建校童歡唱

目前身在非洲馬拉維的黃家強，隨佛教團體探訪當地一間孤兒院。為體驗一班小朋友生活，家強住在簡陋的孤兒院內，跟他們吃齋菜。他說：「冇乜所謂，嚟探訪唔係享受，喺經費方面慳得就慳，冇理由嚟幫人又走去住五星級酒店，咁樣好嘥錢。」

家強透露六月將聯同張學友、關淑怡舉行音樂會，希望籌得善款幫助這班孤兒興建學校。他說：「呢度物資唔係冇，但因學位不足，佢哋喺知識方面比較貧乏，拖慢社會經濟發展，變得唔夠先進。」

雖然孤兒院處於非洲，但小朋友懂得講普通話，家強說：「佢哋好叻，我哋溝通完全冇問題，佢哋好乖好有紀律。雖然學校環境唔理想，但佢哋有顆求學心，好畀心機，佢哋音樂感都好勁，我唱歌畀佢哋聽，唱兩次佢哋已經識得跟住唱。」

家強會在當地逗留大約一個星期，每日他都會以電話跟太太、兒子聯絡。他笑謂：「囝囝會問我：『你喺邊？做乜呀？我好掛住你。』真係搞到你好心軟，鬥佢唔過。」問到與太太可有計劃再生BB？他說：「呢啲嘢隨緣啦。」文：音樂組