洪卓立玩火困泥池險死
洪卓立（Ken）斯文靚仔，說話陰聲細氣，其家鄉更是盛產油畫家的藝術地，可是童年時的Ken卻是頑皮仔一名，曾多次貪玩炮仗而險惹禍，幸好每次都逢凶化吉，俊臉未因意外留疤影響長大後的星途。
Ken在港出生，家鄉則在又名油畫村的深圳布吉大芬村。當地是著名出產油畫的勝地，出口畫總收入高逾億元，是全球最大油畫供應地之一。Ken表示：「我鄉下好出名，不過我嘅天分係唱歌，唔係畫畫。」
早前Ken回鄉在洪氏宗祠祭祖時，看見祠堂中有自己的名牌，當時他還以為同村有人和自己同名同姓，但原來是洪父以Ken之名修葺祠堂，他說：「我仲矇查查，原來阿爸幫我捐錢，等我可以留名。」問他現成為偶像歌手，是否已成家鄉的名人，Ken就話：「咁又冇喎，因為我阿爸唔想我咁高調。」
好在未點炮仗
問他在鄉間可有難忘趣事？Ken就話小時候每年新春都在大芬村度過，由於鄉村有燒炮仗的習俗，他經常接觸這類具危險性的玩意，他最難忘的經歷是：「我將支炮仗埋喺泥池中，諗住玩爆泥，點知啲泥太濕太深，我行咗落去就返唔到上平地，好在我未點炮仗咋，否則即係玩自殺，之後有人見我困喺泥池，就好心救咗我，最後都冇受傷。」
炸爛手才識驚
但Ken另一次就終於出事，記得當時他在地上執到炮仗，因他以為炮仗的火引燒到盡才會爆炸，不料火引燒到一半時已「轟」一聲爆破，Ken的小手被炸得皮開肉爛，痛到當場大喊，他說：「嗰次手損晒，好彩係冇爆親面同眼，否則毀容、盲都似。」由於他哭聲震天，Ken的長輩經過將他帶回家療傷。問他以後可夠膽再玩炮仗，他笑說：「嗰次之後，好耐冇再玩啦。」 文：音樂組