Janice Man短訊談情慳６千
「模Art」文詠珊（Janice Man）晒肩現身手機發布會，沉醉於新科技的JM最愛以SMS與男友談情，全因曾越洋煲爆粥，需繳交六千多元電話費，慘痛經歷令她刻骨銘心。
被天王黎明封為「模Art」的Janice Man昨日穿上性感H&M露肩連身裙與師弟李治廷（Aarif）出席全新手機HTC Legend發布會，提到新科技，兩人顯得雀躍，Aarif自嘲口水多，透露曾講爆電話，繳款$5,800電話費，誰知身旁的JM更厲害，憑$6,400「險勝」師弟，JM說：「自己對電話都追新款㗎，最重要方便上網，試過有次喺海外打電話，返到嚟見到張單，都好驚訝，（同男朋友講電話？）咁都有好多電話打嘅。」
手機冇私相簿
以6千多元買來「教訓」的JM，似乎已經學精，寧以SMS與男友談情代替綿綿情話，她說：「依家SMS多啲，因為慳錢，都冇情慾短訊，所以唔怕流出啦，講啲嘢都好正常，反而公司啲同事仲熱情。」JM又言通常以相機拍照，不會將相片放入手機，即使遺失手機亦不擔心洩露私相簿。
至於Aarif亦言不會發情慾短訊，他說：「SMS係方便做嘢，情話都係見面先講啦，都冇影親密照，冇咁嘅習慣，傾傾吓偈拎手機出嚟影相咩？」
跟公司有默契
此外，JM前晚現身電影《外星51》首映，被問到有報道指因其工作量下降，長期於男友店中打發時間，JM笑言：「如果話我冇嘢做咪好慘囉，但到依家自己都仲儲到錢，想買樓，好開心公司嘅安排，只係工作有分別啫。」JM又言展望進步，而且與公司已有默契，她說：「出席活動次數比以前少未必係唔好。」
文：音樂組