Lavina谷胸競跑挫咪神

鍾蕙芝、高海寧、沈卓盈及A. Lin昨日應邀出席「托盤競跑大賽」，四人穿上大會安排的「女僕裝」，由於四套服裝性感程度不一，養眼度即時分高低。低胸露腰的Lavina最為搶鏡，巨胸露深溝的她在比賽中一馬當先，頸上一條小領帶更誘人地垂到乳溝中間，無論打扮或比賽均跑贏成條街。

A. Lin感自卑

Lavina表示服裝由大會安排，自己只是聽從公司安排，被問到是否刻意谷胸？她說：「今日好凍，冷縮熱脹，谷就冇，縮就有，一路行一路打冷震，我行得最快因為想快啲行完，真係好凍。」

Lavina超低胸女僕裝，性感爆燈，搶盡風頭。

一眾龍友爭相為A.Lin及Lavina拍照。

Lavina自稱「冷縮」後亦贏盡全場，A. Lin坦言感到自卑：「我本身都冇佢咁大，（自卑？）會㗎！不過大家賣點唔同，大得滯做運動會阻住，我有朋友大到腰痠背痛添！」Lavina聞言即場分享護胸秘訣，揚言會以倒立防下墮，更說：「我有啲朋友成日問我升cup方法，其實只要係天然就OK，上天塑造個身材畀你應該係最適合，唔需要加工，再加工負擔唔到真係腰痠背痛啦。」

被封為TVB新一代咪神的高海寧及沈卓盈，雖同樣擁有好身材，但昨日一身打扮未能好好展現，被問到遭Lavina搶鏡，兩人相視哈哈傻笑，直言不同衫有不同效果。

性感要睇場合

問到會否公司禁止太暴露，高海寧似有所指說：「唔係嘅，性感都要睇場合，今日做女侍應，餐廳好少見到侍應着成咁。（你係新咪神喎？）多謝傳媒畀呢個稱號我，咁睇得起我，（受得起？）OK啦！」問到同場四人身材之比較，高海寧和沈卓盈不忘為自己爭多點分數，高海寧直言：「咁我高！沈卓盈就sweet囉！」

文：影視組