譚校長贊成瞞婚：又唔係傷天害理
譚詠麟（校長）昨日出席足總活動時，談及囝囝曉風比較鍾意打籃球，未有機會父子兵上場。對於Sa基宣布離婚，校長表示跟兩人不相熟，但早前睇騷就問候過好友鄭東漢（鄭中基父親），他說：「我問佢個仔生唔生性，佢話『生性、生性』咁，我事前都唔知佢哋結咗婚。」
提到瞞婚，校長表示不想對事件評論太多：「我睇記者會見佢哋兩個感覺好唔捨得咁，搞到好似犯咗罪咁，其實冇必要啫，唔講一定有佢哋苦衷，私隱係基本人權，唔好抹殺，又唔係咩彌天大罪，（唔講都唔應該講大話？）
根本就唔使講，大家逼佢講咪惟有講大話囉，又唔係傷天害理，畀番啲空間大家啦！」