阿嬌封嘴撐好姊妹
洪卓立（Ken）昨晚獲公司豪花六位數字於酒店搞音樂會，Ken特別邀請大班親友及歌迷到場慶祝，師姐鍾欣桐（阿嬌）則以神秘嘉賓身份現身。對於有雜誌指阿Sa結識上海富商第二代，才與鄭中基離婚收場，阿嬌說：「我冇睇報道，冇需要打畀阿Sa問，唔信嘅嘢使乜問，唔好再騷擾佢喇，（話阿Sa收咗500萬禮金？）我都唔知，都話係秘密，呢啲報道點寫、大家點睇，我控制唔到，但我唔會回應。」
問到如常工作的阿Sa心情如何時，阿嬌說：「阿Sa唔會畀私人感情影響工作，佢好Pro（專業）。」
身旁的經理人霍汶希（Mani）即笑言有好消息為阿Sa沖喜，宣布Twins新碟一推出即賣斷貨，成績高達白金數字，而她稱阿Sa工作時間表密密麻麻，根本冇時間結識內地富商，希望用時間證明一切。
洪卓立面紅病發
會上，病愈後重新出發的Ken特別落台跟歌迷握手互動，又承諾必定會畀心機唱好歌答謝大家。期間，阿嬌親自替Ken戴上王冠，怎料他卻害羞面紅，令全場爆笑。
Ken笑言：「個病好番之後，原來個『面紅病』都一齊返番嚟。」