阿Sa堅強展笑 避談中基自殘

蔡卓妍（阿Sa）與鄭中基自舉行記者會交代「結婚和離婚」後，二人正式各散東西繼續工作。鄭中基到了內地宣傳新片，蔡卓妍則留港為Twins四月舉行的演唱會作綵排。昨晚九時，阿Sa在助手陪同下，乘七人車到尖沙咀出席首映，抵埗時見她「苦瓜乾」面口，愁眉深鎖，雖然心情似未平復，但仍合作減慢腳步讓記者拍照。

首映上，阿Sa堅強面對傳媒訪問，對於近日一連串有關Sa基的離婚揣測，阿Sa一一回應：「日日都傳新嘢，真係無嘢要講，要用時間去證明。」有傳其母曾收鄭家五百萬禮金？她強調：「冇呢件事，唔係事實。」

無打算追究爆料者

離婚事件有指令其形象變負面，阿Sa勇敢表示願意承擔後果：「唔會為失實報道唔開心，我會努力工作。（鄭中基曾自殘身體？）你問番佢，唔係事實。」對於有傳是被其傳媒好友爆料出賣，她挺身為好友澄清說：「佢係我朋友，冇懷疑過佢。之前我話自己心中有數，但冇話要搵邊個，亦冇諗過追究。（圈中人？）朋友囉，冇需要交代，唔想傷害身邊人同朋友。」對於外間出現大堆離婚揣測，問她會否說出真相平息傳聞？她說：「我已經講咗係因了解而分開。」

Sa基宣布離婚後，離婚原因愈傳愈多。（資料圖片）	君如裙子突然被怪風吹起，嚇得她立時按着裙尾。	李曼筠谷胸配tube dress現身，十分養眼，全場閃光燈即閃個不停。

至於再有傳其母不滿鄭中基不願買樓給她兩母女，故撮合阿Sa與內地富家子發展另一段情，阿Sa為母抗辯說：「呢啲唔係事實，唔回應，可以問番鄭中基本人。（之間有冇男友、第三者？）根本冇咁嘅事。呢排好困擾，但過埋呢幾日就唔應該再咁唔開心，情緒已好番啲。唔應該畀失實報道影響心情。」

梁政珏身穿低胸黑色晚裝示人。

高海寧的低胸黑白間條裙將其完美身段表露無遺。

君如見婚書即call基

同場的吳君如被問到有否關心阿Sa時表示：「梗係有，我一見到婚書，第一時間打畀鄭中基，叫佢要盡快作危機處理。（會唔會覺得好可惜？）人生就係咁，佢哋兩個喺唔啱嘅時候遇到大家，遇到嘅時候又好浪漫，如果唔係都唔會結婚。我都有叫阿Sa唔好抑壓自己，（咁你信唔信佢哋有第三者？）一定唔信，我做呢行咁多年，識睇蛛絲馬迹，兩個都係我嘅朋友，之前又一齊合作過，一定唔會，我相信佢兩個嘅人格，（信唔信鄭中基自殘？）唔信，傷心就一定有，我會借個膊頭畀佢。」 文：影視組