千嬅演煙民唔只識搞笑

彭浩翔導演堅持演員要扮演一個吸煙者，一定要具說服力，他說：「真正食煙嘅人，好怕睇啲人喺電影度扮食煙，正如識功夫嘅人，好怕睇人喺電影度唔識又扮識打功夫咁，所以一開始斟千嬅拍呢套戲，已經講明要真食，結果由傾劇本到正式開工，睇到佢不斷進步，千嬅其實可以演好多唔同類型角色，唔只大笑姑婆。」

冇與時並進

至於余文樂，彭浩翔就大讚他成熟了不少：「佢一路都有『練開食煙』，況且食煙又唔係揸車，唔使學好耐先識嘅，樂仔喺《志明與春嬌》入面演繹成熟咗好多。」

千嬅、樂仔表現稱職，最令彭導放心不下的反而是本地莫名其妙的電檢制度，他說：「身為創作人當然想作品接觸多啲觀眾，《志》被評為Ⅲ，我想問，Ⅱｂ級電影可以容許女人裸露上身，粗口反而要Ⅲ級，請問喺香港，你遇上人講粗口嘅機會大，定遇上裸女嘅機會大？香港嘅電檢制度都冇與時並進。」

千嬅食煙似模似樣，樂仔都話佩服。

彭浩翔質疑電檢制度過時，半裸女人列作Ⅱｂ級，粗口反而Ⅲ級。

文：影視組　攝影：林楠