王賢誌冇憎無綫仍戀幕前
自從離開無綫後，王賢誌（Vinci）的敢言形象深入民心，現時Vinci專注打理生意，但對幕前工作仍感興趣，他強調從沒憎恨無綫，亦沒有與崔建邦鬧不和，但他表示不和傳聞確令二人感到尷尬。
傳不和感尷尬
王賢誌三年前高調離開無綫，並因為大膽言論而令外界重新認識他，他說：「當年見報嘅新聞總數，係我13年喺TVB嘅總和。」問到對幕前工作是否感興趣？Vinci說：「依然有興趣，當時離開TVB，除咗鬱鬱不得志，因為年紀大，需要轉變。」問到若然無綫邀他回巢又如何？他說：「都會返，我唔係憎TVB，我係超級電視精，如果唔係喺TVB點做13年呢？」
而Vinci與崔建邦曾合作擔任主持，但其後兩人屢傳不和，Vinci說：「同佢冇不和，仲試過一齊蒲，只係啲不和傳聞，確係令我哋見面時有尷尬。」對於陳志雲早前舉行記者會，他說：「佢影相時面露笑容，唔會畀人影到一絲倦容同淚光。」
從商添自由度
Vinci最近忙於打理生意，除邀來謝賢擔任其公司代理的健康食品「古漢養生精」代言人外，他亦忙為「感冒X配方」宣傳，問到長遠計劃是否從商，他說：「我知道冇可能做幕前做到老，以前一定唔會幫爹哋做生意，但人會變，依家覺得冇問題，而且自由度仲大咗。」
採訪：專案組 服裝：D&G