周秀娜玩滴蠟單挑高檔Baby
去年o靚模性感寫真橫行書展，當中以周秀娜（Chrissie）的滴牙膏照及Angelababy的巴黎美景成功跑出。新一年書展將到，Chrissie率先自爆會以意淫滴蠟及到歐洲拍攝作噱頭，而Baby則繼續走高檔路線，遠赴日本或夏威夷取景！
一眾o靚模去年推出性感寫真攻陷書展，結果Chrissie的情迷食雪糕及極盡誘惑的滴牙膏成為一時佳話。夏天將至，書展亦蓄勢待發，「升呢」成功的Chrissie已預告今年書展將會承繼去年的膽識，繼續大玩「黃色誘惑」。昨日她與諸葛梓岐為ToyWatch2010春夏新品發布會擔任模特兒，透露正為寫真集作準備，她說：「今年都會出寫真，同樣喺書展推出，依家同公司計劃緊，（舊年滴牙膏今年會滴咩？）滴蠟啦，講笑啫，滴汗至真；其實上年係想大家認識我，所以成個感覺係開心同陽光海灘，今年希望會有啲故事性，（有冇向公司要求喺邊度影？）梗係希望衝出東南亞啦！」
三點搞爛gag
被問到會否進一步性感如全裸演出？她未有拒絕：「未知，依家未傾，（露點呢？）唔會喇，不過都要睇番大家班底、製作同配合，但應該唔會係原班人馬。」問到三點是否只留給男友欣賞？她就搞爛gag：「我幾準時o架，男朋友三點都會蒲吓頭，所以我三點就會露畀佢睇。」而Baby經理人Kim就表示考慮到日本或夏威夷為寫真取景，繼續堅守型格高檔路線。
諸葛罕有低V
昨日同場的諸葛梓岐就罕有地以超deep V火併Chrissie的新一代性感女神，她笑說：「我都好少咁性感，不過都覺得幾型同靚呀！（男友會唔會詐型？）唔會，都冇見到啲乜，又唔係比堅尼。」她又大讚Chrissie身材很好，但坦言很滿意自己的身材，不會羨慕。至於會否效法對方推出性感寫真集？她耍手說：「自己未接受到，而且媽咪好保守，一定唔畀，（你底線係咩？）依家咁樣都好過分喇！」談到未來妯娌陳法拉早前在電視劇中以bra top出鏡？她坦言不會這樣拍。
文：名人組