秋生兒子拗柴緊張送院
黃秋生昨日下午與太太及坐着輪椅的囝囝現身養和醫院，護士推了其子上樓，秋生夫婦則緊張尾隨。半小時後，秋生見有記者，表示囝囝只是「拗柴」：「冇乜事，不過都唔輕。」跟着又反問記者附近可有醫療用品商店，他說：「呢間醫院買嘢要買一對，明明一隻腳拗柴啫！」
此外，前晚他出席活動時滿腹牢騷，大爆謝君豪於內地拍劇時被燒傷，他說：「最離譜一次係要扮落雪，佢哋搵咗啲發泡膠同棉花，一點火就搶火，搞到謝君豪塊面燶咗，好在有醫生，換咗皮冇事。」事後記者致電謝君豪，他表示已沒事，問到有否要求賠償？他說：「唔知，呢啲經理人搞！」