吳雨霏聞男友剝褲語塞尷尬
吳雨霏（Kary）前晚以真空露背連身短裙騷長腿出席短片首映，剛由印度旅行返港的她透露被當地男子當街大便嚇親，即被取笑其網球王子男友洪立熙也會在她面前除衫褲，Kary面露尷尬並扯開話題。
側田主演的短片《愛‧發現》前晚舉行首映，雷頌德夫妻、方力申、小肥及RubberBand兩位成員捧場，有份客串的Kary悉心打扮出席，穿上露背裝真空的她不時低頭視察有否走光，問到是否做足安全措施？Kary說：「梗係，會小心啲。」
難忘被乞丐圍攻
剛與三名女友人到印度旅行的Kary，坦言此行獲益良多，她說：「今次係我去咁多次旅行最難忘一次，體會到自己好幸福。」Kary透露在街上遇見男子除褲大便，她說：「真係嚇親。（見到咩嚇親？）成個畫面。」記者取笑她男友都會在她面前除衫褲，Kary即語塞兼顯得一臉尷尬，並拉開話題說：「講緊印度，唔好講佢，喺當地仲畀乞兒圍。（唔叫埋男友去？）咩呀！」
側田生仔唔結婚
側田對於緋聞女友G.E.M.嫌他年老，他說：「咁就out咗唔使講。（陳柏宇in？）唔知。」問到知否太子爺鄭中基與女友蔡卓妍分手？側田說：「唔知，希望佢OK冇事，呢啲係人生必經階段。」
側田更以「好灰」來形容對愛情的睇法，他說：「又想生仔又唔想結婚。（只要認係老竇就可以？）咁可以考慮。（有對象？）經常都有，不過成日食檸檬。（之前都同林苑拍拖啦！）OK啦。」
採訪：音樂組