李思欣濕氣重嘴唇甩皮
無綫女藝人李思欣，早前接拍了古裝劇《公主嫁到》遇上口部發炎，上唇嚴重甩皮，令她大為頭痛。
李思欣說：「起初以為乾燥甩皮，開工濕啲水，等上唇唔好咁乾，後來睇中醫，佢話我濕氣重，好在最核突嗰兩日唔使開工，依家搽緊藥膏，醫生叫我盡量唔好化妝，有啲困難囉，惟有拜託導演唔好影我咁多正面。（同咁多女仔合作會否怕多是非？）唔會，之前同陳敏之、葉翠翠、陳自瑤拍打牌戲，每人只得七隻牌，我哋都係象徵式咁玩，然後將成枱黃金推來推去，都幾得意。另外有場戲講我被父皇罰抄，我中學後都冇再寫毛筆字，不過我覺得啲字靚過用原子筆。」
服裝：Miss Sixty
場地：馬哥孛羅香港酒店（Cucina）