梁祖堯寸寸貢遭圍毆
舞台劇演員梁祖堯將於四月三十日與好拍檔湯駿業、邵美君等人，演出七場舞台劇《小心！枕頭人》，故事講述有關兒童虐殺案，故有不少死亡橋段及恐怖場面，祖堯坦言當中有兒童演員，他說：「唔會有血腥場面，不過一定係恐怖囉，會愈揭愈多角色。」
祖堯透露雖然未試過被人虐待，但求學時試過被多位同學仔圍毆，他說：「自己頭髮天生啡色，同學仔唔抵得自己成日畀老師捉，加上我個樣又寸，成班圍毆我，當時老師都知，問我報唔報警，我怕搞大件事所以算數。」他續說：「之後去咗學空手道。」湯駿業亦表示有同樣遭遇，他說：「因為我太乖喇，成日畀同學蝦，我會同自己講，算啦，最緊要唔好阻住讀書。」