羅藍亞演繹名曲顯實力
在美國長大的樂壇女新人羅藍亞（Lana），日前接受唱作男歌手吳彤及新城DJ胡凱澄主持的新城《週日唱好星星Bar》訪問。吳彤表示與Lana於去年除夕倒數活動上認識，兩人一拍即合，吳彤說：「因為Lana中文完全唔得，而我英文又唔夠好，咁啱我哋住埋同一區，閒時都會約飲茶，我哋溝通方式好特別，佢教我英文，我就教番佢講中文。」
另外，Lana在節目內挑戰高難度，即場演繹國際天后瑪莉亞卡里的金曲《Hero》，唱得相當出色，吳彤更靜雞雞偷拍Lana唱歌片段，並放上YouTube供樂迷分享，他說：「估唔到反應好好，雖然佢素顏上陣，但原來皮膚好好，素顏影相及拍片都冇問題，而且又唱得唔錯，係實力同美貌兼備嘅女歌星。」