董敏莉搵老公限期三年
節目主持人的董敏莉（Monie）透露獲批2013年會結婚，眼見身邊朋友逐一出閣，心急的她坦言要積極覓愛郎，並揚言理想對象最緊要識浪漫，Monie笑說：「橋唔怕舊同老土。」
入行多年的董敏莉（Monie）曾與多位男藝人合作，但卻是緋聞絕緣體，緋聞近乎零。問Monie會否感失落？她哈哈笑報喜說：「唔使驚，蘇民峰話我好大機會2013年結婚，仲有三年咋。（驚？）唔係，盡量去搵啦。」Monie承認2013年是適婚年齡，問到找到對象未？她說：「未呀，同埋冇遇到個對象有結婚衝動。」
阿媽冇催婚
快將踏入三字頭的Monie，被問到有否遭父母催婚？她說：「媽咪舊時都會問我有冇拍拖，反而依家冇點問，可能接受咗。」Monie表示求婚不需要太隆重，她說：「一定要浪漫，唔一定係要沙灘，求其茶餐廳都可以，最好就有啲橋啦，我唔怕老土o架。」Monie作出提示說：「可以喺蘿蔔糕入面藏隻戒指入去等我咬到，呢啲我都受o架。」
虎年搏殺期
Monie透露新年舉家去旅行，問到是否不想派利是而避年？Monie說：「唔係，年年都有派利是畀同事，只要係新年期間都派。」
迷信的Monie又表示虎年是她的搏殺期，她說：「蘇民峰話我呢五年會好好運，所以要把握機會。」
文：音樂組
攝：秦健輝
髮型：Mini@Hair Corner
服裝：Bread n butter