李樂詩攬巨B靈感湧現
李樂詩（Joyce）自從去年十月八日誕下愛兒李然熙（Maxton）後，經常留家湊仔陪伴BB玩樂成長，近日她與老公Ted一起到香港迪士尼樂園酒店陪囝囝玩足全日！
「大隻仔」Maxton雖然只得五個月大，但體重已達二十多磅，同齡BB的衣服已經全不合適，現在已經要着一歲小孩的衣服，Joyce起初都擔心囝囝會否過重，不過醫生跟她說只要BB長大開始做運動，體重便會回復正常。
五個月已搵學校
近日四出為愛兒找學校的Joyce已替他報了名，她說：「雖然BB依家先得五個月大，原來已經可以幫佢報學校！我希望囝囝可以學好中文，因為我自己中文唔係咁好。」
表現活躍的Maxton對身邊所有事物都很感興趣，當看到酒店內的米奇老鼠時更忍不住要跟他握手，聽到Joyce唱歌的時候，還未學懂說話的Maxton會發出「呀」的聲音想跟媽媽一起高歌。
單獨湊仔去探親
本月Joyce會單獨帶囝囝到夏威夷探親，她說：「我都好驚自己會湊唔掂，希望佢唔好喺飛機度大喊，同埋最好到時啲空姐見到佢咁得意會幫我手湊一陣！」Joyce期望可以盡快出碟或出書，她說：「有時我陪住BB嘅時候都會有好多作曲靈感，不過就未有時間全部都記錄落嚟，希望我可以盡快整理吓啲歌，我老公都話好心急等聽我隻新碟！」
文：專案組 攝影：唐豁莊
場地：香港迪士尼樂園酒店
服裝：BCBGMAXAZRIA（李樂詩）、N4E1（Ted）