夏永康張曼玉影絕密私相

激嬲張國榮被鬧

在人生谷底，他遇上酷愛玩藝術的導演王家衛，從此改寫一生：「王家衛話：啲人覺得唔好、唔得，你就畀晒我。」得大導演開口，Wing Shya放膽去做，漸漸有欣賞他作品的人專程來港找他、英國倫敦大學以他作教材、日本演員也來找他，令他重拾信心。在他的藝術思維中並不喜歡傳統，為張曼玉（Maggie）、梁朝偉拍海報，也只拍攝他倆的腳部分，待觀眾去聯想。

Wing Shya影過的紅星中，印象最深是「哥哥」張國榮，當年他為《春光乍洩》拍劇照，擔心交不出作品於是乜都影一餐，當時攝影師杜可風正拍攝一場哥哥的內心戲，他與王家衛都示意Wing Shya不要影相，Wing Shya為捕捉哥哥的神態忍不住再三出手，終於相機的shutter聲影響了哥哥情緒罵了他一頓。Wing Shya嚇親之餘，只好道歉：「不過佢再take我又忍唔住影一張即閃，真係好貪心……後來哥哥嬲完後，都有過嚟同我講：『我好佩服你……好欣賞你。』」

喜遇伯樂王家衛

與王家衛合作因而認識了Maggie、梁朝偉、章子怡、木村拓哉等大班紅星，王導亦給他很大發揮空間。像拍攝《花樣年華》時，有次放飯與Maggie均無所事事，他即拉對方入房「開工」：「Maggie冇咩所謂，我哋影咗好有sexy味道嘅相，佢仲特登做場戲畀我影，木村就揸住支槍，所以人哋用一百筒菲林影套戲，我就用咗六百筒，呢啲珍藏，第時可以開個攝影展。」很多人也看不明王家衛作品，作為工作夥伴的Wing Shya亦一樣唔明：「佢根本就係砌緊件藝術品，係個馬戲班班主，我點敢問佢點解！我好恨同佢玩，過程好開心。」他對這位恩師又驚又愛，像拍《春》片時做了很多錯事，如全部相對焦錯晒：「但王家衛竟然話就係要呢啲嘢，合作耐咗，慢慢知佢想要啲乜。」

文：影視組