焦媛趁老公着草搞搞震
焦媛在舞台上有新嘗試，劇中她飾演一名社團大佬的太太，但自丈夫走佬後變得寂寞，經不起三名手下的熱情衝擊，因而發生了多段感情。焦媛坦言首次周旋在多名俊男之間，終於感受到艷福無邊的感覺。
焦媛年紀輕輕便有豐富的舞台經驗，一手創辦「焦媛實驗劇團」，同時亦有其他劇團向她招手合作演出。最近她便接演了「騎士創作」的《紫‧迷‧藤》。劇中她飾演一名社團「阿嫂」，自丈夫「着草」後芳心寂寞，同時丈夫的三名「愛將」不斷向她「衝擊」，因而發生多段感情。焦媛說：「今次真係第一次同咁多男演員合作，明白到咩叫艷福無邊，感覺同過往好唔同。好在對手陳健豪和黃嘉威都係我演藝學院嘅師弟，佢哋好尊重我。」
獎項不重要
焦媛憑舞台劇《金鎖記》入圍第十九屆香港舞台劇獎「最佳女主角（悲劇/正劇）」，與對手劉雅麗和陳煦莉一爭高下，焦媛說：「有得入圍都已經好開心。其實我已經提名過五次女主角但未拎過，只有一次憑《誘心人》得過女配角。」
問到有否信心獲獎？她說：「畀唔畀都冇乜所謂，獎項對我來說唔係佔很大比重，我寧願可以畀到舞台劇訊息觀眾，等佢哋對舞台劇有更多認識。」
文：影視組