羽翹自控有法未醉過
羽翹（Ava）早前出席了全港首屆「香港調酒師大賽」，擔任評判的她於短時間內試飲廿四款由參賽者炮製的雞尾酒，由於所有參賽者都以不同的酒調味，被問到初任評判的感受時，Ava竟臉不改容說：「有排都未醉，不過參賽者嘅作品水準相當高，可以一次過試飲咁多款酒精cocktail，都算破咗個人紀錄！」
事後，Ava還即場向國際調酒大師學習如何炮製cocktail，卻顯得有點兒雞手鴨腳，場面搞笑，問Ava酒量極佳是否平時訓練有素？她笑笑口謂：「平時都有同啲朋友出去飲嘢，但又未至於豪飲，飲幾杯都會嘅！（試過飲醉現醜態？）我未試過飲到醉晒喎，通常飲到有少少wing就停，唔會畀自己飲到醉！」