官恩娜扮靚有難度
歌手官恩娜（Ella）昨日以林亞珍造型現身Canon活動，為大會演出兩個短劇，之後再換上Kensie白色裙回復索女形象給記者拍照。
首次扮林亞珍的Ella直言冇難度：「你叫我扮靚女仲難啦，每日淨係化妝都化好耐，要搞成個半鐘先出得門口，出街就要扮靚，我平日喺屋企好Casual。」Ella笑言扮靚扮到似工廠妹，每日起身梳洗後即化妝，更熟練到在車上畫眼線。她又指林亞珍的個性與自己相似：「大家都唔係好計較，又大頭蝦同烏龍。」對於陳志雲召開記者會，官恩娜坦言有興趣聽對方講話，又表示：「上年因為有工作在身，冇出席澳門嗰個歌星賀台慶，ICAC冇聯絡過我。」