鄭中基難捨阿Sa眼紅紅
【蔡志豪廣州直擊】蔡卓妍（阿Sa）前日宣布跟鄭中基（Ronald）分手，昨日，鄭中基頹爆現身內地，談到六年情一朝斷，會否感到可惜，Ronald沉默數秒，眼紅紅地表示：「呢啲係一齊嘅決定！」表現不捨！
Ronald與阿Sa拍拖六年，前日突然宣布分手，頓成傳媒焦點。昨日，Ronald、孫儷、鄧麗欣、梁詠琪及方力申於廣州出席《越光寶盒》記者會，香港傳媒蜂擁而至，Ronald亦願意在活動開始前接受訪問，對於有傳因Ronald花弗導致兩人分手，他表示：「你問我，我梗係話唔係，你問阿Sa啦，（係咪有第三者？）唔關第三者事，大家覺得咁樣好啲，（係咪因為傳你同楊穎拍拖，阿Sa有直覺所以分手？）好明顯呢個係電影宣傳。」即暗指《花田囍事2010》。
唔想引起揣測
兩人公布分手當日，曾有消息指兩人已結婚，對此，Ronald表示：「到目前為止，私人嘢講得太多，之前傳分手然後傳結婚，都引起太多無謂嘅揣測；（你唔否認結婚，咪仲多揣測？）就係唔想有更多無謂嘅揣測，覺得咁樣好啲，唔想啲新聞傷害到佢同我，所以唔會再回應。」
兩人前日講分手原因，答案都是「因了解而分手」，如此一致，是否有協定？他表示：「呢個係我哋一齊嘅決定，（由講分手到真正分手，糾纏幾耐？）都分開一段時間，唔講咁多私人嘢，唔想將兩個人嘅私人事擺上台畀人解剖。」
問到六年情告終，會否感到好可惜，Ronald即沉默數秒，樣子傷感，眼眶通紅表示：「咁都係一齊決定，多謝大家咁關心。（有冇機會復合？）唔答。」之後助手以活動開始為由拉走Ronald，而活動開始後，在台上的他表現得悶悶不樂，但都禮貌地為孫儷拉櫈及談天，期間亦有展現笑容。
方力申遭揶揄
同場的方力申指前日才知Sa基分手，對於有傳兩人已婚？他說：「唔知，我連佢拍拖都唔知。」此時，坐在隔籬的導演劉鎮偉大笑，並謂：「好可愛！我太鍾意方力申呢個笑話，你連講大話都衰過人。」之後便攬住方力申，令他一臉尷尬。
另外，梁漢文對於Sa基分手，表示：「《美女廚房》後大家各有各忙，比較少聯絡，身為佢好朋友、好兄弟，我知佢識得處理。」而阿Sa好友鄭伊健被問到Sa基分手會否覺得可惜？他說：「唔會，成個過程佢哋最清楚，開唔開心都係自己揀！（打電話慰問阿Sa？）唔會喇，見到面先啦，佢有需要自然會打畀我！」
文：影視組