唐詩詠短訊鼓勵恩人獲覆
唐詩詠前晚出席劇集《鐵馬尋橋》記者會，沒有接受廉署查問的她，坦言曾傳短訊給陳志雲及錢國偉（Wilson），她說：「Wilson有覆我，佢係我恩人，當年搵我拍《四葉草》，內容保密，都係講啲鼓勵說話，不過陳志雲就冇覆。（你都算係『志雲派』喎！）依家太多人話邊派會有事，大公司唔會有呢啲問題，之前都有好多監製用我，相信唔會有問題。」
而詩詠得悉崔建邦日前與友人打波，即謂：「做多啲運動好呀！我冇同佢打，我哋喺興趣方面唔係好啱，依家同佢冇見面，亦冇聯絡。（話你哋翻撻？）冇，仲係single，（咁有冇機會？）都唔會。」不過她又力撐對方主持出色，並不擔心他的前途。
此外，唐詩詠昨日被問到陳志雲開記者會一事，她表示自己沒有看過，但從朋友口中知道內容，更謂：「我覺得佢係一個積極、樂觀同心地好好嘅人，相信大家都可以睇得到，至於其他嘢就唔作回應嘞！」